«QITFest» Халықаралық театр фестиваль -лабораториясының шарты
I. Жалпы ережелер
1. Фестиваль әлемдік театр өнерінің үздік жетістіктерін сақтау, дамыту және насихаттау, театр өнерінің қоғамдағы статусын көтеру мақсатында өткізіледі.
2. Фестивалдің міндеттері:
— халықаралық мәдени байланыстарды дамыту;
— кәсіби және орындаушылық шеберлікті арттыру;
— көрермендердің эстетикалық деңгейін көтеру;
— Қостанай қаласының халықаралық беделін қалыптастыру, заманауи театр өнерінің дамуына белсенді ат салысу;
— фестивальге ұсынылған жұмыстарды кәсіби терең сынау және бағалау;
— фестиваль аясында Театр өнерінде өзіедік орны бар театр қайраткерлері мен пікірлестерді біріктіру.
3. Фестивалдің ұйымдастырушылары: Қостанай облысының әкімдігі, Қостанай облысының мәдениет басқармасы.
4. Фестивалдің тікелей ұйымдастырушылары: І.Омаров атындағы Қостанай облыстық қазақ драма театры.
5. Фестивальдің дайындығын және өткізілуін ұйымдастыратын комитеттің құрамын Қостанай облысы мәдениет басқармасының бұйрығымен бекітеді.
6. І.Омаров атындағы Қостанай облыстық қазақ драма театры фестивальді ұйымдастырумен байланысты бағыттарды жүзеге асырады: қатысушыларды іріктеу, фестиваль афишасын құру, баспа және жарнамалық өнімдерді шығару, естелік өнімдерді дайындау, бұқаралық ақпарат құралдарын шақыру және аккредитациялау, қатысушылар мен қонақтарды қарсы алу, орналастыру және жатын орынмен қамтамасыз ету, фестивальдің сараптама кеңесінің жұмысын ұйымдастыру, фестиваль бағдарламасын қалыптастыру және жүзеге асыру.
II. Фестиваль мерзімі, кезеңдер және шарттар
8. Фестиваль І.Омаров атындағы Қостанай облыстық қазақ драма театрында өткізіледі.
9. Фестиваль өту уақыты: 2025жыл 1-5 қазан.
10. Фестиваль келесі кезеңдерден тұрады:
— фестивальге қатысу конкурсын жариялау 1 наурыз;
— өтініштерді жинау және қатысушыларды іріктеу 1 наурыздан 25 мамырға дейін;
— фестивальдің Сараптама кеңесінің құрамын қалыптастыру 10 наурыздан 25 мамырғадейін.
11. Фестиваль конкурстық жүйеде жүзеге асырылады.
12. Фестивальге Қазақстанның жәнешетелдің кәсіби мемлекеттік театрлары қатысады
13. Фестивалдің афишасы - ұсынылған өтініштерден және сараптама кеңесі ұсынғанс пектакльдерден іріктелген қойылымдардан тұрады.
14. Фестиваль бағдарламасында әр түрлі жастағы топтарға арналған спектакльдер қатысады. Спектакльдердің жанрлары мен түрлері әртүрлі болуы мүмкін.
15. Әр театр -фестиваль бағдарламасында бір спектакль көрсетеді.
16. Фестивальдің барлық қатысушылары қатысушы дипломы мен фестиваль символикасы бар естелік сыйлық алады. Және фестиваль бекіткен I, II, III орын (Алтын, күміс, қола статуэткамен бағалы сыйлықтармен марапатталады)
17. Фестивальге қатысуға өтініштер (4-қосымша) және ұсынылған спектакльдердің жазбалары (видео, фото) сайттағы өтініш жіберу батырмасы арқылы жүзеге асуы керек
Фестивальге жауапты мамандар: директордың орынбасары: Алдангоров Дархан Полатұлы +7 707 176 76 97
Директордың көмекшісі: Мыктыбаева Лаура Нұрланқызы +7 708 202 09 80
Жіберілген материалдар қайтарылмайды.
18. Театрлар фестивальге қатысуларын растап, ұйымдастыру комитетіне келесі материалдарды ұсынады: спектакльді өткізу үшін техникалық шарттар, театр туралы қысқаша мәлімет, спектакльдің аннотациясы және бағдарламасы, спектакльге арналған кемінде 3 фотосурет. Барлық мәтіндік материалдар қазақ, орыс немесе/және ағылшын тілдерінде қабылданады. Шетелдік фестиваль қатысушылары, спектакльдері туған тілінде қойылатын болса, қажет болған жағдайда, сондай-ақ спектакльдің қысқаша либреттосын және толық мәтінін орыс немесе/және ағылшын тілдерінде электронды түрде ұсынуы тиіс.
19. Фестиваль қатысушыларына фестиваль қаржысы есебінен қамтамасыз етіледі:
— ұсынылған өтініште көрсетілген техникалық параметрлерге сәйкес сахналық алаң және қойылым қызметтері;
— 20 қатысушыдан құралған делегация мүшелеріне 3 күн бойы қонақ үйде тұру (келу күні, қойылым күні, шығу күні);
— үш мезгіл тамақтану (таңғы ас, түскі ас, кешкі ас);
— экскурсиялық және мәдени бағдарлама;
— жол және көлік шығындары (әуежайдан н/е ТЖ-дан қонақ үйге трансфер, қатысушыларды қойылым орнына жеткізу қонақ үйден әуежайга немесе ТЖ вокзалына).
20. Театрлардан алынған растамалар негізінде фестиваль афишасы 2025жылдың 10 маусымына дейін қалыптастырылады.
21. Фестиваль өткізу кезінде Сараптама кеңесі құрылып, оның міндеті — көрілген спектакльдерді терең талдау, содан кейін спектакльдер туралы пікірталас. Сараптама кеңесінің құрамын фестивальдің ұйымдастыру комитеті Қазақстан мен шетелдің жетекші театр қайраткерлерінен құралады.
22. Фестивальдің ақпараттары халықаралық, республикалық, аймақтық бұқаралық ақпарат құралдарында жарияланады.
23. Фестиваль туралы ақпарат І.Омаров атындағы қазақ театрының және фестивальдің сайттарында орналастырылады.
III. Қаржылық қамтамасыз ету
24. Фестивальді қаржыландыру облыс бюджеті, фестиваль қатысушыларының қаражаттары, заңды және жеке тұлғалардың қайырымдылықтары, сондай-ақ спектакльдерден алынған жинақтар есебінен жүзеге асырылады.
25. І.Омаров атындағы Қостанай облыстық қазақ драма театры келесі бағыттар бойынша келісім шарттар негізінде шығындарды жүзеге асырады:
— фестиваль қатысушылары мен қонақтарының қонақ үйде тұруы және үш мезгіл тамақтануы (әрбір ұжымнан 2 қатысушы фестивальдің барлық кезеңінде болуы мүмкін. 20 қатысушыдан асқан театрлар бөлек келісімшартпен қарастырылады);
— Сараптама кеңесінің мүшелері, құрметті қонақтардың жол шығындарын төлеу;
— Сараптама кеңесінің мүшелеріне, құрметті қонақтарға гонорар төлеу;
— көлік қызметтері;
— жарнама, баспа және естелік өнімдер бойынша шығындар;
— канцеляриялық шығындар, барлық байланыстүрлері бойынша қызметтер;
— фестивальдің ашылу және жабылу салтанатты рәсімін ұйымдастыру бойынша шығындар;
— фестивальдің мәдени бағдарламасын ұйымдастыру бойынша шығындар;
— фестивальдің іс-шараларды техникалық қамтамасыз ету бойынша қызметтерге шығындар.
26. Фестивальге қатысушы театрлар келесі пункттер бойынша шығындарды өз мойнына алады:
— Қазақстан Республикасына кіру үшін қажетті визалар мен басқа құжаттарды рәсімдеу;
— фестиваль өткізілетін орнына (Қостанай қаласы) және кері қайтуға ұжымның жол шығындарын төлеу (театр қатысушыларына билеттерді сатып алу қатысушы тарап есебінен);
— фестиваль өткізілетін орнына (Қостанай қаласы) және кері қайтуға жүк және декорацияларды тасымалдау.
27. Фестивальдің барысы мен оның нәтижелері бұқаралық ақпарат құралдарында жарияланады.